رد: وصفات جدتي السحرية لعلاج المس

من طرف سرين 12.02.22 6:59

انا اكتشفت اني عندي تقاف قديم ومكنتش عارفة ولما حياتي كلها تعكسات حسيت عندي شي حاجة وتأكدت مخليت فين مشيت وساحل خسرت والو كلشي كيقولي ديك شي صعيب،اكيد الأمل في الله ولو تعرفي شي حاجة قولي هاليا راه عندك اجر كبير
شكرًا بزاف

شوفى الحبيبة ديالى التقاف الا قديم راه كاين الحل ديالو خص غير اللى عرف ليه هو فعلا صعيب مى كاين دواه والدليل احبيبتى الا هو ديال الزواج راه انا شفت بنات فايتين 40 تزوجو هادو راه كاع هاد المدة اللى كلسو اكيد تقال ليهم عندكم تقاف قديم
والا كان تقاف على النعاس راه كلشى تحل وكلشى كيقيم واصعب تقاف اللى كيدار للعروسة والعريس فليلتهم والدليل عاود تحلو
وكاين عاود تقاف على الولاد وعلى الخدمة وشفت الناس ولدو وخدمو بعد سنوات العداب والجرى

حتى حاجة ماهى مستحيلة
الانسان اقلب على دواه حتى القا الايدى اللى اجيب منو الله الشفاء حيث كلشى بامرو

قلتى الحبيبة ديالى كلمة واحدة بينات ليا انك مرضية وربى ماغاديش انساك ابداااااااااااا امولات القلب
قلتى اكيد الامل فى الله
اوا ملى جريتى وسببتى وخسرتى فلوس وماجابش الله يعنى ماداووك يعنى اقدر عندك شى حاجة عادية بحال جميع البنات حيث شكون اللى ماعندو عكس فهاد الدنيا شكون اللى ماعندو فشل فى العلاقات واكبر عكس هو ملى تزوج البنت وعاود تلقا المشاكل مع الراجل هدا هو العكس ديال بصح
لانو الحبيبة اصعب حاجة ملى تنعسى بجنب واحد بيناتكم مشاكل بزاااااف ماشى مادية ولاينى مشاكل نفسية قبل الزواج كيبان فصورة ومن بعد الزواج بحال الا معمرك عرفتيه هادى اشغادى تقول مسكينى

بغيت نسولك واش خدامة جيث قلتى حياتى تعكسات وحسيت بشى حاجة بغيت منك تشرحى ليا باش هاد المراة ان شاء الله اكون الفرج ملى ديرى بالاسباب
وحاجة اخرة واش كتصلى جاوبينى بكل صدق راه ماشى عيب الانسان مايصليش العيب هو اللى مايصلى اقولك ليك كنصلى
وماعرفتيش ربما الا ماكتصليش هدا هو الوقت باش تودعى هاد العكوسات احيانا كنديرو وصفات لدرجة كيطلع لينا كلشى ف الراس حيث حياتنا بقا كيما هى ماكين ادنى تغيير

وملى كنفكرو بعقنا كنقولو كيفاش الله بغيناه ازول منا هاد الموانع واحنا اصلا ماتفكرناه بالصلاة والدعاء

من طرف سرين 12.02.22 6:59

التابعة احبيبتى رانى حطيت الوصفة ديالها اللى جبتها من مولاى براهيم

بشرط داك الحمام عمرك مازال تغسلى فيه

ديريها كل احد .3 حدودة ف الصباح

رانى حطيتها فقسم جديتى والتفاصيل دخلى للملف ديالى وجبديها راها افيكاس حيث التابعة راه خصك تكلعيها بشى بلاصة وماتخطايه مزال

خلى غير سليبك فى الحمام فى الاحد التالث وماتكلمى نع حد والطريق اللى جيتى منها ماتمشيش فيها وماتلفتيش اللور راه بعض الخطرات تيسحاب ليك شى حد عيط ليك وملى تلفتى ماتلقاى حد هنا الشيطان غادى افسد ليك العمل ركزى مزيااان وديرى النية
وتبعى الشروط باش العمل ديالك اكون صحيح

الله ابعد بلاها علينا

من طرف سرين 12.02.22 6:59

ndirha l rajliii
dayman mfaya9ni minoooo
allah ya3tik l khirrrr

اللهم امين احبيبتى

اه ديريها لراجلك راه يا لطيف هو غير من الشيطان فقط

ونصيحة منى ليك انتى وراجلك قبل ماتنعسو كل واحد اجمع كفو واقرا فيه اية الكرسى وخواتم سورة البقرة من امن الرسول الى القوم الكافرون ومسحى بيه وجهك وجسمك كولو

والمخدة ديالكم ديرى فيها صريرة فيها الفيجل +الملحة الحية

والله اختى هادوك الايات كتمنع عليك وكتحفظك من شياطين الجن خصو المداومة واكيد غادى تولفو

جربيى هاد البرنامج وردى عليا الخبار

من طرف سرين 12.02.22 7:00

الحبيبة ديالى لاباترونا ربى اخليك ليا واخلى ليك اللىى عز عليك

مسالة انكة كتهضرى ملى كتنعسى انا كتوقع ليا كنهضر كنتخلع ههههههههههههه
وقضية انكى تهضرى ف الحلم هى مجرد انكى كتحسى بالخوف او كتفكرى فشى مشكلة او شاغلاك شى حاجة وغالبا كتحسى بالخوف

اجسن علاج احبيبتى هى تقراىالادكار قبل ماتنعسى وداومى عليها

كناكد على هادو حيث هما كلشى

اية الكرسة والايتين الاخيرتين من سورة البقرة من امن الرسول الى اخر الاية حفظيهم وقرايهم فكفكم ومسحى بيهم وجهك وجسدك

هى مسالة عادية ماكتخوفش ماشتى انتى اللى كيتوضو وكيبغيو افتحو باب الدار واخرجو وهما كاع ماعقلين اشنو دارو هههههههههههه ياربى ايشافى الجميع

من طرف سرين 12.02.22 7:01

أختي الله يحفظك و يقوي إيمانك أنا راني جديدة و طامعة تعاونني بحال البنات شوفي أختي راه واحد الفقيه قالي عندي عين مجهدة و راه مرضني ناكل ما يبان نحفظ ما نجح و نزيدك راه كي نشد الكتاب يجي نعاس الدنيا و الآخرة و واحد ختي عندها 29عا م كتحلم بحال إلا شي حد ناعس معاها تقلبات ليها حياتها تصوري حتى كيبغيو الناس يعاونوها و يديرو بناقص الخطاب كاع ما دق بابنا شي حد وخا كيهضرو فيها إجازة خذاتها ف9 سنين وبا با معادها هادي 4سنين بغينا حتا حنا نفرحو ميمتنا اللي مسكينة شبعوها معيور حيث عندها 3البنات ٠آه راه أختي قرات سورة البقرة مدة عام و حبست و سمحيلي الله يعطيك ما تمنيتي
الهم امين احبيبتى الله اتقبل دعواتك ولكى بالمثل الحبيبة ديالى سواء انتى قديمة ولا جديدة عندى بحال بحال المهم هو الصفا والنية

اولا الله افرح ميمتك وافرحكم عاجلا وليس اجلا وقصية المعيور راه ماكايعاير غير اللى عندو نقص اما اللى سبعان وباين فيه الخير وحياتو ناجحة راه مستحيل اعاير ابدا خصوصا البنات راه ماكتعاير غير اللى ماعندها مايدار كتعاير باللى فيها
الا هى مازال مامزوجة راها كتعاير راسها فقط
والا مزوجة راه غادى ايجى نهار واكون عندها بنات وتعرف حقهم
والا مزوجة وبناتها تزوجو ماتنساش راه دوزات داك الحر بعنى ماشى حيث تزوجو صافى راه قطعات الواد ونشفو رجليها
دابا راه الطلاق هو اسهل مايكون الا بغا الراجل افقصك وطلبى الطلاق ديالك بحال السلام عليكم يكفى غى اهجرك ف الفراش ومايعطيك ماتاكلى وادخل انكر عليك واله ماتبقاى عندو ساعة د الماكنة واخا تولدى معاه 10
ادن الانسان ماعندو لاش اعاير خوه

بالنسبة احبيبتى للعين راه هى ام المصائب وهادوك الاعراض راهم فعلا ديال العين الله انجيك واحفظك
العلاج هو

تغسلى بالملحة الحية وداومى عليها كل اسبوع
وتبخرى ب
الحرمل
الشبة
التوتية راه حتى هى حجر ابيض اتباع عند العطار
هادو قراى عليهم وانتى كدوزيهم على جسمك
الاخلاص 7
المعودتين 7
اية الكرسى 1
ودفلى عليهم وتبخرى بيهم وانتى واقفة لابسة غير بيجاما ديلك او ديال ماماك
تبخرى مابن المغرب والعشاء
ملى تسالى غادى تهزى ديك الشبة اللى دابت فى المجمر بالمعلقة وترميها ف السطل فيه ماء وتقولى كيما طفات هاد الجمرة ف الماء طلبت ربى اطفى عكسى وعين بنادم اللى هلكات ليا صحتى
وترميه على برا فى التساع او لابوبيل وماتباتش ف الدار اترمى داكشى فساعتو

مرة كل اسبوع

اما العلاج ديال انكى ماكتاكلى ومايبانش فيك

ديرى احبيبة هاديك الوصفة اللى حطيت ديال التوكال راه كتنقى المصارن مزيااااااااااااااان
اما الا كان التوكال من الجن راه خصك بيدو ديال 5 ليتر تقراى فيه البقرة كاملة + 7 شعرات الزعفران الحر وتشربى منو يوميا مابقاش تشربى من الروبينى حتى تنقاى مزيااااااااااااااان داوميها 7 ايام
من بعد ديرى هاد الوصفة ديال الغلض المهم تزادى فى الوزن

تجيبى التمر مايكونش قاصح ولا رطب المهم النوع الجيد تغسليه وتزولى ليه العظم ومن بعد فوريه مزيااااان
من بعد مغسيه بالفورشيط انا كنصيبو غير بيدى ههههههه وخلطيه مع الحلبة مطحونة قياس الى بغيتى 3 معالق كبار
وبقاى كولى منو 3 مرات بعد الوجبة واصلا التمر راه مزياااان للحفظ والفهم

ه
وكاينة وصفة اخرى رقدى حبيبات الحلبة ف كاس ماء وغطيه وملى تفيقى صفيه وشربيه على الريق غادى انقى المعدة ديالك وكيصفى حتى اللون

ونصيحة منى ليك الا بغيتى تفهمى ومايغلبك النعاس ديما فيقى ف الصباح بكرى وحفظى على خاطرك ةتفكرينى

والصلاة الحبيبة ماتهاونيش فيها راه كتحيد العكز والعكس والوسواس و اى حاجة كيسببها الشيطان لعنة الله عليه الى يوم الدين

حبيبتى بالنسبة للاخت ديالك

بولة ماماك ديال اول سبت الشهر العربى راه قريب
وتخلطها مع الملحة الحية مدقوقة +العرعار مدقوق + ام الناس مدقوق +الماء اللى اكفيها للغسل
دوش بيها ف الصباح بعدما تكون نقات جسمها من الاوساخ
هادى ديرها 3 سبوتة
حيث سبت واحد ماكفيش

دير الدون راه حطيت الطريقة ديالها 7 ايام متابعة باش ازول منها السحر والتابعة

وبالنبة للتحرش الجنسى باليل عنا ماينفع معاها الا القران +الفيجل

غادى دوش بالفيجل مطبوخ فى الماء الجسم كولو لمدة 3 ايام متابعة من الاثنين الى الاربعاء

ونهار الخميس بالليل تقرا على 5 ليتر ماء معدنى سورة البقرة وتشرب منها ملى تفيق على الريق وملى تبغى تنعس مباشة ملى تسالى تعاود تقراها على الماء
كل ليلة غادى بقى تبخر بالفيجل +الريحان لمدة 7 ايام متابعة
ملى تسالى 7 ايام غادى تطبخ شوية الفيجل فى الماء حتى اتغير اللون ديالو وتخليه ايبرد شوية وتستنجى بيه يعنى تغسل التوتو مباشرة بعد النوم كناكد ليك عمرو اتقرب ليها مزال

وحاجة مهمة
الصلاة
الادكار فى الصباح
الاستغفار 100
الاخلاص 3
المعودتين 3

ملى تبغى تنعس
اية الكرسى
اواخر سورة البقرة من امن الرسول الى اخر الاية فهى تحصين من كل شيطان مارد

والصدقة ملى تكمل العلاج
الدعاء باش اربى افتح عليكم بداكشى اللى تمنيتوه

كناكد وعلى ضمانتى ملى غادى دير هاد البرنامج الا غادى تودع كاع الموانع الجن وعوارض السحر

داركم بقاو تبخروها
باللوبان الدكر نهار الجمعة او بالبخور الطيب سواء ديال الحج او المسك