وصفات جدتي السحرية لعلاج المس

[سرين]

وصفات جدتي السحرية لعلاج المس

مساكم عسل حر يا بنات نطلب ربى الا مهمومة ربى افرج عليها وانا فرحانة حيث كتفتو ليا قلبكم وهادى بحد داتها راه انجاز على الاقل لقيتى اللى اسمعك واحس بيك وهادشى مفتاقدينو ف حياتنا اليومية للاسف  والحمد لله مازال الدنيا بيخير حيث الانسان ملى كيفرغ قلبو من داكشى اللى ضارو راه حمل ثقيا كينزاح من قلبو

كنطلب منكم احباباتى اننى غادى نجاوب كل واحدة حيث انا ماعنديش مع الفرزيات وماعنديش مع الشروط الفارغة الى بغات تحكى تحط ليها راسها بحال ميمتها راه ماشى غير ادانى اللى صاغية وانما قلبى واحساسى الى تيكتب ليكم

انا ملى درت هاد الموضوع مافكرتش فيه ابدا دخلت وحطيتو نيشان بغيت نرجعو اللمة ديالنا اللى شتتوها دوى العقول الناقصة حيث الانسان الا دكى هو الى اقدر ادير تجمعات مفيدة وكتسر القلب 

انا حاسة كاع اللى دخلات وتونسات معانا او فرغات قلبها او جطات دعوة او بغات علاج او عاونات البنات او حتى حطات لينا شى نكتة تفرح بيها قلب المصيومات راها فيها اجر كبير

 غير واحد الملاحظة بلا تكرار الطلبات حيث انا من عادتى كنجاوب واحدة وحدة غير شوية د الصبر حيش حتى انا عندى حياتى اللى مادرتها بيدى ماكاين اللى اهنينى فيها

على بركة الله الله ارزق كل واحدة فيكم الى نوات فقلبها

وكنطلب منكم هاد العلاجات طبقوهم وماتقولوش غادى نحاولو  غير ديرى هاد النقطة فبالكم غادى تولد فيكم الطاقة وغادى تغيرو بيها حياتكم 180 درجة

هاد النقطة هى شوف شحال من فقيه مشيت ليه شحال من شوافة طلبت ليها الفال واش كاين شى تغيير ولا الحالة كيما هى

ربما العلاج كاين غير جداك ماتحتاجى تخسرى فيه زبابل الفلوس او تبيعى فيه دهبك او حتى حوايجك او ديرى كريدى على قبلو

السحر موجود

الجن موجود سوار من القرين او من حادم السحر او من التابعة او من المس بكل انواعه

العين كتقضى على مولاه وبسبابها كتوصل حتى الموت وهادشى شفتو بام عينيا

اللى شريف او عندو ملوك ربانية ماياديش ومايضلم عمرو اتصاب بالشر فحياتو خصو اصلى والادكار والصدقات  رغم انو هاد الاشياء راه دواء لكل ادى سواء من الشياطين او الجن

اللى كطيح راه القضية عندها ساهلة  واللى ماكطيح راه عندها اللى قوى

المهم لابد من الرقية الشرعية هى اللى غادى تزولهم

شحال من وحدة كطيح وراه تزوجات لكن للاسف كيدير مشاكل صحية

وحاجة اخرى الجن والسحر عمرو ماتيمنع من الزواج او حتى الانجاب

ولكن كيدير تعطيل فقط خص غير تعالجى

رانى كنعاودها وكنكررها يالاه سمعت بان بنت فى بلادنا عندها اكثر من 40 سنة يعنى شى 45 وراه تزوجات هادى شى 3 اشهر وزواجها ماتحلم بيه بنت 20 سنة  .انا براسى ماضدقت واش ساكنة ففيلا

هادى دابا راه خير اله وهى مسكينة يمشى هدا ويجى هدا واللى شافها غادى اقولها غير سيرى اختى الا متزوجتى ف الدنيا غادى تزوجى ف الاخرة وكاين كاع شى شوافات كيقمعوك وشى فقهة كيديرو ليك احباط باش غير ياكلوك فقط لاغير

وكاين عاود اللى ماكتولدش وبالاسباب راها ولادات

انا كنعرف مرا مشات للرباط هى وراجلها قالها دكتور مختص ملى دارو ليهم التحاليل وهدا راه بروفيسور معروووووووووووووف  قالهم انتما عمركم تحلمو بالاولاد

جات المرا منهارة والراجل كيصبر فيها

وملى سولات ماماها وجرات مسكينة على بنتها قالو ليها تمشى عند دكتور عادى ف ميتشفى ديال المخزن .اقسم باله الا عطاها دواء واحد قالها تبعيه وراه دابا ولدات

بحال الامراض العضوية بحال الروحية

لا ياس مع الحياة

البنت طهلا فراسها وتعاون راسها وتجدد من افكارها وتكون منورة فوجها وماتعقدش الامور ودير فبالها راه كاين الله

وعلاش الله كاين غير فالموت اوا اللى عندو الدوا ديال الموت  ياتينى بيه دابا دابا دابا هههههههههههههههههههههه

ادنا اللى خلق الداء خلق الدواء وحتى السحر ولا الجن راه الله اللى مقدرو وحتى الشفاء الله اللى مقدرو

انا الحاجة الوحيدة فنظرى اللى ماعندها الدواء هو النفس الخبيثة مولاه ديما عايش فصراعات  لايغيرو اله مابقوم حتى يغيرو ما بانفسهم

وباش نتعمقو اكثر شكون فينا اللى ماعندو عكوسات  وشكون اللى ماعندو اعداء وشكون اللى كافشل فحياتو طاح وناض وبكى وجاه اكتئاب  شكون اللى مامرض

انا الا عاودت لكم حكايتى مع المرضى اللى جبتها بسبب العين غادى تجيو عندى وتقولو ليا على سلامتك الله اجعلها مغفرة الدنوب

وكاين عاود الله كيبتلى العبد ديالو  واش غادى اراجع نفسو الا مقصر ف العبادات اوش صبار

ادن الا عرفتى ان امورك مابغات تقاد فاعرفى ان هدا ابتلاء من الله وحان الوقت باش تقربى ليه ماشى يوم يومين حيث الا درتى هاكا حتى الله كيزيد ابتليك  وكيفرط فيك حيث حتى انتى فرطى فيه

قاليك الله باشما تقربتى ليه تقرب ليك حتى هو اكثر

الصلاة عماد الدين بلا منضحكو على نفوسنا والدعاء ثم الدعاء ثم الدعاء

البنت طلب الله الاقيها مع اللى اصونها   وماتقولش غير نتزوج فقط  .وحتى الا ماسهلش ليها الله فهدا راه غير حيث ماكتابش ليها

انا حضرت لواحد الحالة وكنت معروضة للعرس  بنت كتعرف واحد وياحسرة استاد هو صافى طلبها للزواج ولاينى مازال مادارو لاكط وححدو نهار العرس حيث هو فمدينة بعيدة عليهم بساعة

تصورو البنات واقيلا شى محساد عمر ليه راسوف اخر لحظة  وامباقاش جا لا هو لاعائلتو

وهى عرضات للناس تصورو وجدات كلشى .تصورو الحالة اللى غادى تكون فيها لا هى لا عائلتها  للهلا اكتبها علينا ياااااااااااااااارب

طفا تليفونو ومشاو عندو قالهم بكل بساطة راه مامكتابينش لبعضياتنا

هادى وقع ف شهر 7 وف شهر 7 العام الاخر النت دارت القاعة وعرضات عليا عاود  لقات اللى باغيها البغيان ديال بصح واللى مكتاب طبعا حيث لو كان ماشى مكتاب كون جا حتى هو سول عليها انها فى العام اللى فات هرب عليها العريس كون حتى هو هرب هههههههههههههههههه غادى تنوا مع راسو

ودابا راها ولدات وعايشى فوق بيخير لهلا احرمنا يارب

هادو امثلة واقعية باش تعرفو ان ربى دار الاسباب الانسان اديرها والكمال لله سحانه وتعالى

 سمحو ليا طولت عليكم ولا ينى راه ماشى انا اللى تنكتب  هو الاحساس فقط

لى عودة باش نعطى العلاجات

[سرين]

لله انورك الحبيبة وملوكك يربى تشوفى فيهم الخير حيث مستحيل ماايعطيوك من كرمهم  .تبارك الله راك عندك ماتقولى هدا هو احساسى وعندك طاقة لايستهان بيها واللى اعاشرك مايطلقك بسهولة غير عاونى راسك ماتعوليش على الملوك بوحدهم يعنى ماتخليهم اسيرو حياتك

وامانة عليك الحبيبة ديالى دمدام كدبحى ليهم قبل ماتدبح الهدية اللى اهديتيهم قولولى داكشى اللى نويتى فقلبك مدام ولفتى ليهم الدبيحة

حيث انا اللى تنعرف اللى معطى ليها الخدمة هى اللى تدبح  حيث هاديك الخدمة هو اللى عطاوها ليها وسخروها ليها وملزومة تدبح ف المكان اللى جابت منو داك الرزق  باش افيض عليها الرزق اللى عطاوها والى خلفات داك الشرط راه والله ممابقاش تصدق ليها الخدمة ولا الفال

وكاينة عاود الدبيحة ديال الندر اللى كيهزوها سواء اللى معسر ليه الزواج ولا الولادة ولا الخدمة انا شفت الرجال تعكسات ليهم الفيزا والخدمة وملى تقضى ليهم الغرض جابو الدبيحة

وللاشارة هاد الدبيحة هى مجرد صدقة المساكين تياكلو منها وافرحو  مساكن

انا غير الل مابغيتش ليك هو تزيدى مازال اخرين خلى دوك اللى غادى انفعوك وديرى ليهم صوابهم وافرحى بيهم واللى غير غادى ازيدو ليك العكز حيديهم وطلبى ربى حيث عطاوك القران  .

تقربى لله اكثر راه قلبك الحبيبة نقى نهار تبداى تفيقى ف الوقت وقبل ماتفطرى توضاى وصلى الصبح ومن بعد تسالى اشغالك وتصلى الفرائض

تخصصى واحد النهار اللى انتى مرتاحة ليه والملك اللى غالب عندك دوشى ماء الزهر +الورد +المسك

وبخرى بالعود وصلى 2 ركعات واالاستغفار وزيد عليها يا لطيف  وصلى على النبى ودعى ربى اسخر الى نويتيها فقلبك .الا بكيتى راه مزيااان والا تزيرتى راه مزيااااااااااااااااان راه كتحيدى هادوك اللى دارو ليك العكز

داومى عليها كل اسبوع  بلا انقطاع.يوم واحد فالاسبوع راه غادى اغنيك من الف يوم كنقضيوه غير فحاجة اللى ماعاديش تنفعنا

[سرين]

mandir.ana 9riba nkml 40yom f9irat sorat ba9ara wkantl9ha kol sbh wmb9itch nhs bch haja fahlam wmakanhs la btaharochat lawa walo.walakin 3ndi 3ks fzwaj likant3rf 3lih kansali m3ah 3la a9l sba.dab ana m3a wahd brito wlfto whadrli 3la zwaj wlahdt had layam bhal bda ytraj3 whowa chafni wchfto w3jbni w3jbto walakin yom dabzt m3ah hit tbdl 3la likan.ana dnit lmas mab9ach fya whad chwaf likayn fmontada chafli w9ali fya mas 3achi9 limamkhlinich ntzwj.lah ykhlik akhti lama 3awnini wlah tlft brit nrtah hta ana ntzwj likanbri kol lila kanbki wndabz m3a hada liana m3ah jawbini rbi ykhlik

اولا مرحبا بيك الحبيبة ديالى وانشاء الله مازال غادى تفرحى

واحد الحاجة نعاود نقولها للبنات باش اديريها حلقة فوديناتهم راه المس بكل انواع مايفكو غير القران  هادى مافيهاش

انا فرحت ملى بديتى تقراى سورة البقرة وقربتى تكمليها  هدا يعنى هى راه باش ما كتقرايها كيتزير عليك الحال وكترجعى عصبية حيث اللى فيك كيتاثر بالقراءة و40 يوم راه ماشى ساهلة
سؤالى ليك واش كتحسى بتحرشات جنسية جاوبينى حيث بان ليا قربتى تفرحى
yarbi amin ahbiba.ana makanhs bhta taharochat jinsya wdaba mazali chi 5ayam aw6 wnsali 40yom
wbrit n9olk ani fach wslt fl9raya 9oran 18yom hlmt ani mzwja bwahd zwin w3ajbni wknt fhmam wblt hachak wrajli dkhl 3lya hmam wjato riha wana 9ltlo 9ltlk madkhlch wkhrj 3lama khwit lma 3la dak bol bhal bsh dakchi mcha l9ados wlma sfa lard.wmb3d l9it rasi fsalon mtkya wgals wahd m9rrd hda rasi wghlid wkayakl fkhobz w2rjal galsin fsalon 9balti wsd9t tfajat fhadak ligals hda rasi ghlid howa rajli machi hadak zwin lwl wana ndt w9ft wbdit nghwt wnbki wn9ol lmama brit ntl9 ana mahmltoch hmdolah mazal madkhl bya ntl9 mno 9olt lmama chofi 3la glsa gals wkif kayakl mahmltoch wchafto w9altli safi tl9i mno.wmb3d bnli howa labs costume wgals wtbla kbira wmdwra w2rjal jawni bhal chhod galsin 9balto.w3lama fhmt mdak mandar anah ytl9 wf9t
wsmhili hbiba hibach tfhmi mzyan .ana kan9ra ba9a



الحبيبة ديالى ابشرى  راه اى حلمة او بمعنى الرؤية حيت الا حلام ماعندهاش تفسير الا الرؤية خصوصا الا كنتى كتعالجى او كديرى الرقية الشرعية او مقبلة على شى امر مهم هنا راه الرؤية كاتاخد بعين الاعتبار وخصها اللى فسرها تفسير صحيح
الرؤية ديالك احبيبتى كروما راه اولا فرج حيث لو كان مابلتيش او ماقدرتيش تبولى فهناك تعسير فامورك .ولكن الحمد لله الرؤية ديالك اشارة بالفرج والزواج وغادى ايجيك نصيبك وانشاء الله ياربى تتوفر فيه الشروط اللى بغيتى  والام ديالك ورضاها راهم مساندينك ماتخافى والو
راكى الحمد لله قطعتى شوط كبير ونقيتى راسك وجسمك بسورة البقرة وعلاه قلت ليك سابقا رانى فرحت ليك ملى قريتيها 40 يوم حيث راه ماساهلاش وهدا بحد داتو راه مؤشرات قوية انكى تغلبتى على المانع والفرج قريب انشاء الله

دابا الحمد لله ملى تكملى 40 يوم

غادى تخرجى الصدقة قولى الام ديالك تصوب ليك شى قصرية وتديها للجامع قبل مايصليو المغرب  او قبل مايصليو الجمعة وطلبى منهم الدعاء بداكشى اللى نويتى


غادى تبقاى تقرايها هى وسورة الملك كل جمعة فى اى وقت بغيتى  كل اسبوع بدون انقطاع باش ربى اسخر ليك فزوج اللى استاهلك ومابقاش تكون تما عكوسات
سورة البقة كتمنع الشياطين
سورة الملك كدير قبول اللى شافك ارتاح ليك

وكل جمعة ايضا غادى دوشى بماء سخون مع الملحة الحية باش تكونى محفوطة من الجن وعين بنادم


ملى غادى تكون عندك مقابلة مع شى حد  ديرى هاد الدوش قبل ماتخرجى

حناء وراق
القرنفل
الخزامة
المسك
رقديهم وغسلى بيهم ملى دوشى وتزولى الوسخ اللى فيك  يعنى مادوشى بيهم وانتى موسخة

وقبل ماتخرجى
 جيبى ماء سيدى على وقراى عليه وجعلناها للناظرين فلانة بنت فلانة وجيبى شوية منو ودوزيه على وجهك عاد ديرى اكغون


بهكا راه درتى الاسباب باش امورك تيسر وتبعدى عليك الشياطين اللى كايديرو تعطيل وعكوسات

ودعى


الله اسخر ليك

[سرين]

شكرا حبيبة علي هاد الموضوع المتميز ممكن مساعدة الله يجازيك انا سبع سنسن و انا تنعاني من الحلم الخايب بزااف و النعاس والو مع العلم تخطيت شي حاجة ماشي ديالي ديال خويا دارتها الطليقة ديالو ليه و جات فيا داز عليا العداب حتي وليت نشرب المهدءات باش نعس المهم مع العلم متيعجبنيش القرأن يارب تسمح ليا قالو ليا عندي المس و كلشي تعكس ليا اي حاجة الا كان ممكن تساعديني و حتا العين و واحد البنت عارفاها حتي هيا تدرلي ف تصاوري و لكن هاد الشي اللي تخيتو هو اللي قدا عليا العكس و المس و العين و السحر الله يجازيك كل خير الا ماجاوبيني
الحبيبة ديالى قيرت قصتك تاثرت بزااااااااااف الله ياخد الحق فطليقة خوك تعدات عليكم وانتى كنتى الضحية ولكن احبيبتى لكل داء دواء
الناس كاع كلاو التوكال مجهد  وربى مامقدر ليهم اموتو
اكيد الحبيبة الا تخطيتى سحر ماشى ديالك راه صعيب بزاف ياربى تلطف بينا من اللى ماتيخاف الله
انا بغيت غير نعرف واش كانت هاديك ترجعو ليها من بعد ماتم الطلاق  او بمعنى واش رجع ليها مازال

المهم احبيبتى المهدئات احبيبتى ماغاديش تعالجك ف الحالة ديالك حيث ماهى صدمة  بقدر ماهى سحر معمول وموكل لغرض ما

فهاد الحالة

هنا غادى تخسرى غير فلوس التقضية فقط اما الشوافة غادى تضرب حتى السماء وشوف وشوف

اولا للسحر باش تزولى كاع الخيوبية اللى تعملات ليك فالصورة ولاينى احبيبتى راه هاد العلاج لازمك تكونى قوية وديرى فراسك راه ملى تكمليه غادى تشوفى الخير واغنيك على الف شوافة

الا كان البحر حداك غادى تمشى تعومى وخا اكون كاع بعيد اللهم تخسرى عليك فلوس الطاكسى ولا تخسرى زبابل الفلوس على الجرى بلا فايدة وغير هادوك المهدئات ره بالتمن
تمشى للبحر وتعومى يعنى اضربوك 7 موجات  وتجيبى معاك الماء ديال 7 موجات

راه البحر هو الى تيفس السحر وحتى التابعة راه بمجرد ماتحطى رجليك ف الماء وتصورى راه اى جدول من عند الفقهاء ديتيه معاك للبحر بمجرد مايشم ريحة البحر صافى تبطل

المهم ملى ترجعى
غادى ديرى هاد التفوسيخة لمدة 3 ايام
ماء البحر
الكبريت دقيه ف المهراز
عود مسخسر حتى هو دقيه
الفاسوخ الابيض
الخزامة
كلشى خليه اطيب مزيان ف الماء تم دوشى بيه وحجى الجسد ديالك باش تنقاى ممن السحر والاثر ديالو

البخور ديرى 3 ايام

اللوبان الدكر
اللوبان الحر كيتباع عند مالين الدهب
الجاوى الابيض
المقل الازرق
عود الصليب
ا
بخرى بيهم ملى تبخرى مباشرة


ملى تسالى  ديرى العلاج ديال العين

ادى تبخرى ب
الحرمل
الشبة
القزبرة راه حبيبات
الفيجل

بشرط قراى عليهم وانتى كدوزيهم على جسمك كلو وعلى راسك  ابتداء من الشق الايمن الى الارجل ومن البعد الشق الايسر الى الارجل
وملى تسالى دفلى عليهم ولوحيم ف المجمر وانتى واقفة حالة رجليك وخلى البخار اطلع معاك
راه غادى تفوهى بمجرد ماتقراى عليهم
الاخلاص7 مرات
المعودتين 7 مرات
اية الكرسى مرة واحدة

هادى ديريها كل اسبوع يوم الاربعاء بالليل مابين المغرب والعشاء  ديريها باش تهناى من العين حيث انتى متبوعة


ندزو لعلاج المس اللى العلاج ديالو بالقران فقط لاغير
حيث الا زال السحر كيبقى خادم السحر الموكل واللى هو الجن اللى كيعكس كلشى وكيمرض الصحة وكيخليك تحلمى بمنامات مفزعة


تبعى معيا والا درتى هاد العلاج تنحلف بالله اللى خلقنى الا غادى تشوفى الخير


غادى تجيبى 5 ليتر ماء وتقراى عليه البقرة كلها راه ساعة  قليلة شحال كنضيعو من ساعات فى اليوم بلا والو ياربى تغفر لينا

وتزيدى عليه 7 زعفران الحر +7 اوراق السدر مسحيهم ورميهم فيه وف الغد استعمليه للشرب
شربييه فى الصباح وقبل ماتنعسى لمدة 7 ايام
وف هاد الاثناء غادى تبقاى تقراى البقرة 7 ايام
يعنى شرب وقراءة

ونهار الجمعة قرايها فليلة الخميس على ماء اللى غادى دوشى بيه وفوقفة الجمعة دوشى بيه فبيتك على بانيو ورميه فالجردة او رشى بيه العتبة

الماء ديال الاغتسال اللى قريتى عليه البقرة ضيفى ليه
7 شعرات الزعفران الحر
7 اوراق السدر
ودوشى بيه باش تنقاى من الداخل ومن برا

وملى تسالى دوش نهار الجمعة بخرى بالعود حيث هو اللى تيقهر الجن

العود الاصلى كيتباع عند مالين الدهب والمزور كيتباع عند العطار وحنا غراضنا فى الاصلى حيث هو اللى فيه النفع


وملى تسالى 7 ايام صدقى احبيبتى
وتانى حاجة الا بغيتى البرنامج اكون كامل مكمول انك تصلى الفرائض ديالك حيث مايمكنش تدعى اللهواستاجب ليك وانتى ماستاجب ليك اقل فرض الللى هى الصلاة

وكنعاود نكررها الا درتى هادشى كامل ردى عليا الخبار الحبيبة حيث غادى تودعى هادشى اللى كتعانى منو

الله اسخر ليك

[سرين]

أختي الله يحفظك و يقوي إيمانك أنا راني جديدة و طامعة تعاونني بحال البنات شوفي أختي راه واحد الفقيه قالي عندي عين مجهدة و راه مرضني ناكل ما يبان نحفظ ما نجح و نزيدك راه كي نشد الكتاب يجي نعاس الدنيا و الآخرة و واحد ختي عندها 29عا م كتحلم بحال إلا شي حد ناعس معاها تقلبات ليها حياتها تصوري حتى كيبغيو الناس يعاونوها و يديرو بناقص الخطاب كاع ما دق بابنا شي حد وخا كيهضرو فيها إجازة خذاتها ف9 سنين وبا با معادها هادي 4سنين بغينا حتا حنا نفرحو ميمتنا اللي مسكينة شبعوها معيور حيث عندها 3البنات ٠آه راه أختي قرات سورة البقرة مدة عام و حبست و سمحيلي الله يعطيك ما تمنيتي,و نسيتك راه ما خلات باش بخرات تاتا لدون شبكة د صياد و زيد و زيد  راني طولت عليك سمحيل
.أختي هيام سلطان جاوبني الله يرزقك وراني نسيت راه عمتي عطات لأختي يتشرب ماء د الغسول د جدي و ضربتها بيه لوجها وقفاها ف 2001و ف2005ضرباتها بما غسول جدتي لوجها ختي جاوبني الله يفاجها عليك على رسائل ب ثلالة را غي كنسا الله يجعلو ف ميزان حسناتك راها فين مدات يدها مكتصدقلها بغات عل الأقل تخدم راه بسبابها حتى حنا اللي موراها جامدين أنا مزاوكة هيام سلطان عتقوني و قراو داكشي اللي كتبت كلو عطيونا حل راه ديما بابا كيقولها خرجي عليا