استغلو قشور مطيشة

[mahboba]

السلام عليكم الحادكات ماعرفتش واش هاد الفكرة سبق لشي واحدة قالتهالكم المهم مافيها باس ندكروكم لانو هادا رمضان ونستعملو مطيشة بزاف وحتى هي كتزيد شوي فالثمن,انا كنستعملها ديما من نهار قالتهالي عجوزتي فالاول ماهتميتش ولكن دابا ماكتخطانيش الفكرة انك كلما تحكي مطيشة ماترميش القشور والزريعة والماء ديالها جمعيهم فبلاستيك وبقاي كل مرة تستعملي مطيشة خلي القشور فاليلاستيك وديريه فالكنجلاتور وهكدا كل مرة حتى تجمعي كمية كبيرة وخرجيها وجدي كوكوط ديريها فيها وسدي عليها بلا ماء بلا والو واحد نصف ساعة على نار هادئة او نار متوسطة عشرين دقيقة هكدا هي راه فسع طيب حلي عليها خليها تبرد وطحنيها اما فالطحانة اليدوية وضعيها فميكات متفرقة او بالطحانة ديال لابيري دلبطاطا وصفيها فصفاية رقيقة وضعيها فوسط ميكات بلاستيك على حساب الحاجة كل ماتبانلك ديري لي باط او بيتزا او كفتة بمطيشة جبدي ميكة كونجلي خليها طلق راسها شوي وديريها فمقلة دزيت وماتنسايش شوي سكر باش يحايد الحموضة وديري العطرية كيف العادة المهم تلقايها واجدة بلا ماتحكي بلا والو ولا للضياع