هادي هي الصابونة ولا بلاش

[سرين]

السلام عليكم الغزالات

كيف دارين كنتمنى 

تكونو بخير المهم

هاد الصابونة نصحاتني

بيها امراة كبير فالمر وجها 

ماشاء الله رغم الكبر

ونصحت بيها بنات فمنتدى اخر

وكلهم شكروها الحمدلله

المهم انا ستعملت

صابونة طوس

ونصف خيارة

حكيت الصابونة ودرتها فاناء حديدي

وحكيت الخيارة ودرتها فاناء اخر





من بعد عصرت داك الخيار مزيات بيدي وداك الما ديالو خويتو فوق الصابونة المحكوكة



ودرت الما فبريمة وخليتو يغلى



من بعد درت فيه داك الاناء اللي فيه الصابونة محكوكة وماء الخيار



وغطيت البريمة وخليت داك الصابون يدوب ووجدت الطاس اللي غنديرهم فيه ووضعت فوقهم قطع بلاستك باش مني نديرفيه الصابونة متلصقش ويسهل نزولها منو


 داب


و درتو فالطاس
دخلتهم للمجمد باش دغيا تجمع وهاهي واجدة

نتمنى نكون فدتكم وشكرا