دخلوا البنات نجبد ليكم ودنين

[mahboba]

لبنات انا فكرت حتا عيت باش نجاوب راسي لواحد سؤال علاش لعيالات كايسحرو وحنا عندنا سحر راباني لي هو جمال المراة وكيد المرأة وعقل المرأة ياك أمنا حواء خرجات سيدنا آدم من الجنة وحنا بوركابي ما قدينا عليه ....... علاش مكنشوفوش راجل كيسحر لمرا ؟ علاش مكنلقاوش راجل يبكي ويموت بالحرقة حيت حبيبتو خانتو مع واحد وكتر؟
علاش مكنشوفوش راجل يدير تهييج والمحبة لحبيبتو ولا مراتو ؟
علاش حنا لعيالات لي دايما مجني علينا لي مضحوك عليها لي كايستاغلوها ......الجواب بسيط البنات هو حنا لي كنضسرو بوركابي كل وحدة وشنو كادير وكاضحي على ودو  هالي تعطي لفلوس هالي مرتو بلا وراق  هالي تحزر وتفشش وزيد وزيد ووووووو وفاخير كايمشي يقلب على ماحسن وضحية جديدة وبالتالي مسكينة كتبقا تبرق فعينيها وتلتاجىء لسحر وتبدى ترون حتا تجيبها فراسها .
 انا انقول ليكم جوج حلول لي تبعيهم ويجيبو ليك ناتيجة بدون سحر ولا هم يحزنون 1) اول حاجة كوني فائقة الجمال والأناقة :خليه ديما حال فمو فيك خليه دايما يتمنى رضاك وخاتكوني مرتو ..كوني مامفهوماش ليه غامضة و صعبة المنال خليه يغير بسبب وبدون سبب حمقيه بينيلو بلي راه ماهامكش ترضيه كوني تبغيه لاكن قادرة تستغني عليه فأي وقت  كوني اكيدة ايتبعك كي لكلب حيت كانؤمن بواحد المقولة كل ممنوع مرغوب.
2) تاني حاجة حبيبتي كوني مستقلة ماديا وهاد الحاجة كانؤكد عليها حيت عالم كامل داير على لفلوس ......حيت لمرا لي خدامة ماشي هي لي كالسا فدار الا ماجابش ليها ماتاكل تبدى تبرق فعينيها ....الا ماعطاهاش فلوس حمام تبقى بوسخها ..تقولو عطيني 20 درهم ديال حمام و 30 درهم ديال بروشينج يقول ليها هاكي فلوس لحمام من بعد مانزلات من كرامتها و تحزر بزز باش يرشها بدوك فلوس حمام وشي لآخر يقول ليها معندك ماديري بيه  علاش مانكونش بخدمتي بالكونط ديالى وحياتي مستقلة وهاد الراجل لي فاضحينا بيه نديرو تحت صباطي بفلوسي بداري لي تكون بسميتي  ( اه تكون بسميتك ماشي يقولك نتي فرشي الدار وتخلصي الما وضو وتصرفي على الماكلة وهو يبني دار ويقابل لبني ومن بعد 10 سنين تلقاي راسك فلوسك مشاو فصالون وطلامط والماكلة مشات فطواليط وهو ربح دار على ضهرك واكل شارب ناعس )  ..وهاد بوركابي لي مابغاش يدير لعقل نقولو باب الحباب حيت مستقلة مادياً والبنااات راه حتا واحد مايستاهل تحزمو وجمعو ريوسكم وحشومة راه كيدكن عظيم ماتكونوش ساهلات  
خلاصة زوج حاجات لي  يديرو ليك قيمة قدام بوركابي : زينك و خدمتك  حافضي عليهم ويجري كي لكلب موراك ......

[السحيمية العبدية]

و باش تفاداي بحال هاد الموقف ديري من الحاجة ليكفيك و ديريها راسك