وصفات سحرية مغربية خطيرة - لابطال السحر والعكس والعين لي كتشد

[سرين]

وصفات سحرية مغربية خطيرة - لابطال السحر والعكس والعين لي كتشد 

اولا احبيبتى لازمك ديرى هاد البرنامج راه الوقت اللى جابت هاكا شحال الانسان كيخسر زبابل الفلوس واقل حاجة تبخرك الشوافة نهار واحد وتقوليك يالاه حطى دم جوفك والدون ضربو ليك 3 مرات وبالزربة وتقوليك راه الناس كيتسناو هدا الا ماجبدات الدون اللى دوباتو على الناس ماشى واحدة ماشى 5 .وتعاود دوبى ليك ومن فوقها خسران الفلوس

شوفى احبيبتى نوضى تحزمى راه كاع هادو اللى شفت فتح عليهم الله بدلو الاتجاه الا انتى دقيتى جميع البيبان وماجابش الله مازال كاين باب واحد ماكيتسد وعينو لاتنام ان الله وحده لاشريك الله انا مكنفتيش هنا ولاينى مابغيتش تعقدو الامور ولا يجى شى حد اعقدها عليكم لاواه ماكين علاج لاواه القضية عندك مخلطة مرونة مزفتة 
كاين باب الله الا طرقتيه غادى تشوفى الربح والشيطان ماتخليش الفجوات او منافد فين ادخل ليك
انا بديت معاك هاد المقدمة حيث عزيزة وغالية وقالك سول المجرب لاتسول الطبيب

اولا للى بان لى كان عندك سحر والخادم الوكل هو اللى تيدير ليك هاد الحالة ملى كتنعسى وكتفيقى بديك الحالة وهادشى راه كيولى مس من بعد هنا ماينفعك غير القران فقط فهاد الحالة

الا مكنتيش كتصلى  خصك تصلى باش تعيشى حياة اخرى راه الشيطان الموكل هو اللى داير ليك هاد الحالة وهو ماغاديش ازول منك الا بالصلاة والقران والوضوء والدعاء والصدقة


غادى
تقراى سورة البقرة مدة 21 يوم
يعنى 3 جمعات
كل جمعة غادى تقرايها ف5 لتر ماء ضيفى ليه 7 شعيرات زعفران حر +7 اوراق السدر
2 لتر تغسلى بيهم جسمك ف بانيو فبيتك
و3 لتر تشربيه كاس فى الصباح على الريق وكاس ملى تبغى تنعسى
3 جمعات نفس العمل
ولكن القراءة غادى تقرايها 21 يوم قراءة واستماع  قرايها بنية الشفاء ودعى بالدعاء ملى تسالى القراءة

بخرى بالمسك ملى تغسلى نهار الجمعة

وديرى هاد الورد كل جمعة ملى تسالى الغسيل +البخور
الاستغفار 100
يالطيف 314
يا مسخر 100
ودعى باللى فقلبك

التحصين اليومى
صباحا
الاخلاص 3
المعودتين 3 حيث العين كتسبب هاد الاعراض
ملى تبغى تنعسى قراى
اية الكرسى
اواخر سورة البقرة من امن الرسول الى اخر الاية قرايهم فكفك ومسحى بيهم وجهك وجسمك
والمخدة ديالك ديرى فيها الملحة الحية مدقوقة +الفيجل
حيث كيفما قلت ليك القران بوحو هو اللى غادى ازول منك هاد الاعراض

راكى قلتى ياربى ادير ليا تياول  راكى طلبتى الله وهادا هو العلاج الربانى اللى غادى ابدل حياتك كلها
وحتى علاقتك مع داك الشخص اللى انتى معاه غادى اتغير للاحسن حيث داكشى الى فيك هو اللى كيسبب لكم الصداع
وهو اللى كيكرهك ف الزواج
نزيدك حاجة الا كتعانى من تحرشات جينية طبعا ماشى احتلام
تغسلى التوتو ديالك بالفيجل مطبوخ ف الماء كل ليلة لمدة 21 يوم

وكنعاود ناكد ليه شفتى الا بديتى كتوضاى باش تصلى وتعاونى راسك بهاد العلاج تنقسم بربى الا غادى تجى وتبشرينى بشى تغيير
بقدرة ربى اللى كيقول للشىء كن فيكون

ملى تسالى 21 خرجى صدقة للجامع وقولهم ادعيو ليك راه ضرورية