وصفة جدتي لتقوية وتطوير وترطيب الشعر بالأعشاب

[صفاء]

وصفة جدتي لتقوية وتطوير وترطيب الشعر بالأعشاب

السلام الغزالات جبتليكم وصفة مقعدة دال الشعر كنكتب وكنفكر جداتي الله يرحمها كالسة فالشميشة كدق العشوب

حنا طبعا الله يخليلنا مولينيكس ههههه او مزال معكازين

الوصفة كالتالي

تشري الحرمل على تيساع وتوصي الجزار يجبليك المرارة ديال العجل ديري فيها الحرمل وعلقيها

فالشمس حتى يشرب الحرمل مزيان وينشف

وعلى تيساع جيبي الزنجلان وزريعة الكتان غير شوية شوية حمريهم مزيان فالمقلة طحنيهم

وديريهم فقرعة زجاج صخني الزيت البلدية حتى ترتافع حرارتها وخليها تبرد شوية باش مطرطق

القرعة وزيديه على الخليط وخليه الجنجلان وزريعة الكتان يطلقو زيتهم رآهم غنيين بالزيوت على الاقل15 يوم. هدا ماسك غزال للشعر الجاف غير بوحدو ولكن حنا غنستعملوه مع الوصفة

مني تعملي هذشي توجديه غتبداي الوصفة

خصنا الحرمل اللي رقدنا ونشف واللي مقدتش توفر المرارة بلاش تجيب غير الحرمل

أقواواش

حبة راس

الحديدة الحمرة

العكر الفاسي

اللي كضرها الجلدة او فيها القشرة ممكن تزيد القطران او زيت القطران انا مكنديروش علي الريحة

الزعفران شعرة

الطريقة

كنحمرو فالمقلة حبة راس أقواواش الحرمل يتحمرو مزيان بتحيد منهم الجهد الحديدة الحمرا

نقلوها فزويتة نطحنو كلشي فمولينيكس نديروه فقارورة الزاج ونزيدو العكر الفاسي والزعفران زغبة والقطران ونكبو الزويتة اللي ترقدات نكونو صفيناها من الزنجلان وزريعة الكتان وسخناها غير شوية باش يطلقو المقادير ممكن الا بغيتي تضيفي زيوت اختيارية على الوصفة أركان او زيت

القمح او زيت الثوم ....

نهار الحمام شقي راسك وخليه على الاقل ٢ سوايع عاد غسلي

داوموها وردو عليا الخبار