طريقتي للعناية بالمنطقة الحساسة

[صفاء]

طريقتي للعناية بالمنطقة الحساسة

البنات انا غندوي ليكم انطلاقا من تجربتي انا 
المنطقة ديما مسدود عليها مسكينا خانقينها  متتعرضش للتهوية وهادشي كيخلي السواد يتزااد  لي نصحكم بيه هو التهوية يعني فالليل حيدو الكيلوط وبقاو سولو 
انا مؤخرااا بديت تندير داليبور مع ماء ورد وشوية الحامض انا كنديرو مني كنبغي نعس والصباح كنغسل بصابونة ديال الحجرة وماء دافي وكنشف مزيااااااااااان 
ومن بعد كندير قطنة فيها ماء ورد ونمسحو 
المنطقة تنقات ولونها ولا اخف يعني لحد الان نتيجة مرضية بالنسبة للسابق وكين فرق ولكن النتيجة تتعطل  ماشي من المرة الاولى تتبان النتيجة 
ومرة فالاسبوع كندير النشا والارز مطحون مع عصير الخيار 
ومني كنحيد الشعر تم بلاسير كندير زيت النمل واخة كيشوطني ولكن كنصبر ومن بعد كندير واحد البوماد زوينة معقلتش على اسمها المهم العشية نكتب ليكم الاسم 
والا كنحيدو بالمقص 
راه الزيزوار حتا هي كتكحل وكتنوض الزغب تحت الجلد 
انا شخصيا مكنديرهاش كااع 
واحد البنت قاتلي جربي حتى البيوكاربونات  ولكن مزعمتش  بغيت حتى نلقى لي مجربهم 
نتمنى نكون فدتكم واخة غير شوية 
المهم هادي تجربتي 
نتمنى كاع لي عندها شي فكرة تقولها
وكل وحدة تشارك بكيفية العناية بالمنطقة