لبغات تسمان 100% وصفة مجربة و فعالة

[صفاء]

لبغات تسمان 100% وصفة مجربة و فعالة

بغيت نفرحكم و نشرككم وصفة طبيعية 100% جربتها و عطاتني نتيجة جربوها و في خلال اسبوعين غتبداي تشوفي لفورما ديالك بدات كتقاد What a Face و تتكلفني موصلاش 100 درهم و كتبقالي شهر ولا فايت يعني غير مكلفة غنقوليكم كيكنعدلها بتفاصيل
نبداو على بركة الله
كنشري:
*20 درهم او رابعة اكاجو 'وهو نوع من المكسرات' الي بغات تشري كثر مزيان
*15 درهم لوز
*10 دراهم جلجلان 'المعروف بالسمسم'
*10 دراهم صوجا
*نصف كيلو كاوكاو الي بالقشرة ديالو
* روز مكنشريهش عندي فدار كندير تقريبا زلافة
*درهم الخميرة الطرية ديال لعجين
*بواطة ديال لعسل كبيرة غي داك الرخيص
* شوية ديال لعسل الحر
*10دراهم حلبة
الطريقة:
كنغسل الصوجا و نحمرها + كنقي الجلجلان و نغسلو و نحمرو+ كنحمر الروز + كنقشر القاوقاو
انبدي نطحن كلشي كنطحن فالمولينكس كل حاجة بوحدها و ندير عبار واحد بشي كاس كبير غيجي الكاجو قليل ولكن نكثرو من المقادير الاخرى (ليبقالي من المقادير الي عندي كثيرة, نخليه حتى نحتاجو مرة اخرى) كنخلط الكل بالعسل مزيان و نزيد 2 معالق كبار خميرة و عينك مزانك خلطي كلشي مزيان و دريه فبواطة.
غتاخدي معلقة من الحلبة منقية و مغسولة و ديريها فشي كاس ديال الماء كبير و خليها ترطاب او تطلق تبقاي كتاخذي معلقة كبيرة من الخلطة قبل الاكل و دوزيها بشوية دالماء ديال الحلبة إلا شتي الماء بغا يسالي زيدي شوية فأخر اليوم كولي ديك الحلبة مع المعلقة الاخيرة من الخلطة اللي قبل لعشاء و ديري الحلبة ترطاب فالماء باش تلقايها واجدة لغد ليه تبقاي تاكليها 3 دلمرات فنهار معلقة بين لفطور او الغذاء + معلقة بالعشية قبل الاكل و معلقة قبل العشاء و حاولي تقللي من شرب الشاي حيت كيحرق غاع داكشي ليكليتي حاولي تعوضيه بالحليب مين تقربي توصلي لنتيجة ليبغيتي تبقاي تاكليها غير 2 مرات حدفي لمعلقة ديال لعشية و بقاي مودة و من تم نقصي تبقاي تاكلي غير معلقة فنهار مين توصلي لنتيجة اللي بغيتي. و غتبقاي محافضة على الوزن ديالك واخا تقطعيها
ملاحظة: * يقدر فبداية الوصفة يدوخوك المكسرات اللي فالخلطة مي عادي غير فالاول من بعد غتبقا تجيك عادي و غيعطيوك الجهد
*بالنسبة لريحة دالحلبة معليك إلا النظافة و ديري ديودورو اللي كتستعملي ما غتشمي والو
نتما نكون فدتكم كما استفدت انا و راها فعالة 100% جربوها
و معليكم إلا دعيو معايا يسهل عليا الله بشي ولد لحلال الي يكون عندي فيه الخير و جزاكم الله الف خير