طريقة عمل الخرقة بجافيل

[nana21]

طريقة عمل الخرقة بجافيل

انا جربت وصفة خرقة بالجافيل لخالتي وصدقت ليها كانت غضبانة غندنا ليها شهرين لايامات اللاولين عيت وانا نحلل فيها باش تجرب شي وصفة مبغاتش زعمة هيا متدينة وتخاف ربي وكل يوم تقولي ذرك راجلي يرجعني ما نهونش عليه تصبر في روحها جازت شهرين لا سقسا لا سأل خافت وزادت سمعت بلي راجلها يدور بمرا اخرى هبلت قاتلي رجال الوقت هدا ما ينفع معاهم لا دين ولا يقين لازم ليهم الذبح من لقفا زعمة فاقت كي داها الواد نهار السبت قاتلي دريلي اي وصفة جبت الشرويطة فردتها درت فيها الزعزاع الاحمر+جاوي ابيض+شب مرحي+السكر+الحرمل ولميت الشرويطة ودخلتها في القرعة وزدت ليها 3اغصان حيق ونعناع وزدت ليها الجافيل لحد ما تغطت الخرفة +7حبات اسبرو وقفلتها ولكمتها في بشكير باش ما تطرطقش وقعدت خالتي تخذخذ فيه وتقول مارانيش نخذخذ فيك يالقرعة راني نخذخذ في قلب فلان ولد فلانة لمحبة فلانة بنت فلاتة وخالتي تستنى جاز اليوم الاول مكان والو اليوم الثاني كيف كيف وخالتي تخرنن عليا وتقولي هذا لعب البنات ملقيت واش ندير تبعتك حشمت ودرت غلى روحي فلت واش دخلني دنيت ربي ربحت بخسة جاء اليوم الثالث آمس صباح بكري بدا تلفونها يصوني شكون راجلها يسحلل ويحلل وجاها لدارنا ورضاها بخاتم كي جت مروحة قاتلي صاي ندور هالو غربة نديرو حقل تجارب شوفتو الحبيبات الخرقة واش دير نوصيكم وين تجو خارجين من دياركم كان شتا باش تحوسو هزو الخرقة معاكم في الساك معنبالكمش على الوقت نصيحة من اخت لخوتاتها