العجين المورق من عندي ومصحوبة بوصفات بلعجين المورق

[mahboba]

العجين الورق كيجي هائل نقدو نديرو بيه بيتزا ليشوصون كرواصة مالحة كرواصة حلو ليفول فون هليلات وصفاته لاتحصئ ولاتعد صراحة انا كيهنيني كندير الكمية الي تناسبني لشهر الفضيل كامل وكنبقا نجبد من التلاجة ونعمر كيجي رائع بزاااااااف الي جا عندي وحطيت ليه شهيوات مالحين كيسولني علئ الطريقة ديالو بالاضافة انه ديال الدار وبامكانك تصايبيه علا يدك مبغيتش نخبي الطريقة نشوف الردود ونحط

[mahboba]

نصف كيلو طحين نصف كيلو زبدة لملحة دايبة في الماء بارد 2 زلايف تقريبا ماء بارد باش نجمعو الخليط المهم الماء عينكم ميزانكم حيت مخصهاش تكون جارية انخدو العناصر كاملة نجمعوها بالماء مع شوية ديال الزبدة من بعد منين تجمع نجمعوها علئ شكل كرصة ونفلحوها من الوسط علئ شكل علامة زائد ندخلوها لتلاجة لمدة نصف ساعة نخدو زبدة ونحلو العجين علئ شكل مربع نوضعو وسطو زبدة  طرف ديال الزبدة كاملة ونجمعو الجوانب ديالو ونسدوه مزيان ونسرحوه علئ شكل مستطيل طويل ونطويوه علئ تلاتة وندخلوه لتلاجة مدة 10 دقائق من بعد نخرجوه نسرحوه علئ شكل مستطيل ونجيبو جيها الامنية الوسط والجهة ليسرية الوسط ولقوهم بجوج ونطويو علئ تلاتة وندخلو لتلاجة لمدة 10 دقائق المرحلة الرابعة نخرجوه ونسرحوه علئ شكل مستطيل ونحطو ليمن الوسط ونحطو ليسر الوسط ولقوهم بجوج ونطويو علئ تلاتة هاد العملية كدار 5 ديال الرات وفكل مرة دري لعجينة علميها تتكملي الراحل كاملة كاتجي واعرةةةةةةة ومورقة بطبقات لداخل ملاحطة الا بغيتي تحتافظي بيها في المجمد بامكانك تحتافظي بيها دبا نزل ليكم باش تعمروهال جربوها ركتجي واعرة